Song 3 | ZomZIV | STEP | Zan khawsawt laikhun tungah e, gelgel ing e, lunga ka gulh ka laikuai khimzin tuanglam zawtmawh hi ta’ng e.

Song of Solomon 3

1 Zan khawsawt laikhun tungah e,
gelgel ing e, lunga ka gulh ^a
ka laikuai khimzin tuanglam
zawtmawh hi ta’ng e.
2 Zuangtho ning e vangkhua tuallai
tuanglam dung le tual-awng teng;
ka sinlai kuai va vai ning ci’ng e.
Ka sinlai kuai ka vai hang
hambang vaihpih zo ta’ng e.
3 Vangkhua vil a kualvialte tawh
dawnbang tuakin, ^b
“Mubang ka ngaih ka zunnelno
koi kuam sawlbang hei a hiam?” ci’ng e.
4 Amau’ nua ciang ka siat nua’n e
lunglai kuai tawh dawnbang tuak ing e.
Mimbang pianna ka tun saunuam
kei hong paii lam gialbang kiatna
ka tunnu siangsung ka tut dong ^c
khah lo sialbang kai ing e. ^d
5 Jerusalem lianute aw,
zangkuam khisa le zuksial ngenin
tong hong lel ing: ^e
Anbang itna a nian masiah phawngin
thelbang thosak kha na cia ^f
6 Paknamtui le myrrh gimsi tuibang gawma ^g
lunta gimnam viauviau in keugaw gam vaivut ^h
kitungsaka maciang a suan
singta vontawi kua pen ahiam aw? ⁱ
7 Maimit suan aw! Solomon taalbuk,
Israel-te’ gualtung kikhai
tang ngalliam sawmgukte’n kulh,
8 lalkhelhna a gualtung tuangte’n,
kheelah namtem paibang kuah dimdiam uh e,
khimzing nuaiah namtem tawi ve’n
sang le lal veng a hiam aw. ^j
9 Vaimang Solomon a taalbuk aw e,
lungdeiha giabang a zun aw,
Lebanon taamtak gilno tawh e,
lungdeih buhbang a bawlsa hi e.
10 A khuam dingin ngun khuam tung ve’n
kham citak tuala a phah hi e.
Vaimang tokhom silhpuan dupsan,
khiangkawi khak siam Jerusalem lianute
banzal hi e,
11 Zion lianute aw e, hong tualsuak vevua, ^k
Vaimang Solomon tuklu a sawnkai nel aw
etin lawm e,
maimit suan ciat ve ni e,
angkawi tawh tuibang a gawm ni’n
tunnu’n tuklu nel suansak a,
sinlung tangbang a dam ni hi e.